Badira bost urte Zabalganan gure lehen jaiak ospatu genituenetik, eta esan dezakegu gero eta jai jendetsuagoak eta parte hartzeko modukoak izaten ari direla. Aurten beraz auzoko festen bosgarren urteurrena ospatuko dugu, eta lan horretan buru-belarri ari da dagoeneko Jai Batzordea.
Urtero legez uztaileko hirugarren asteburuan izango dira: 16, 17, 18 eta 19an, hain zuzen. Eta espero dugu iazkoa bezain egitarau txukun eta osatua ateratzea, bai Jai Batzordetik antolatuko diren ekimen anitzei dagokienez, baita komertzio eta tabernetatik urtero bideratzen direnen partetik ere; betiere ahalik eta auzokide gehien eta adin guztietakoentzako gustagarriak izateko xedearekin.