Euskal Herriko Mugimendu Feministak argitara eman du datorren larunbatean, hilak 9, Gasteizen zehar burutuko diren ekimenen egiteraua, manifestazio nazionala barne.
Ekintza guztiak erdialdean eta alde zaharrean egingo dira, goizeko 11:30etik hasita iluntzera arte. Besteak beste, kalejirak, dantzaldiak, antzerkia,kontzertuak, bazkaria eta afaria, eta, nola ez, manifestazio erraldoia.
Manifestaldia eguerdiko 13:00etan aterako da Bilbo Plazatik, eta amaieran Rafa enparantzaraino abiatuko da kalejira bat.
Hona uzten dizuegu zabaldutako prentsa oharra: https://feministokprest.files.wordpress.com/2016/04/prentsa-oharra.pdf