Gaur 15:00etqn hasita Gasteizko Korrika txikia irtengo da Armentia ikastolatik, eta zuzenean gure auzorantz abiatuko da, non lehenik Mariturri ikastetxeko ikasleek hartuko duten lekukoa. Jarraian, Zabalgana ikastetxerako bidea hartuta eskola honetako ikasleei pasatuko diete lekukoa.
Horrela, lekukoa eskuz esku igaroz, 12 km-ko ibilbidea egingo da, eta Plaza Berrian emango zaio amaiera, non festa eder bat ospatuko den.