Badira lau urte Zabalganan gure lehen jaiak ospatu genituenetik, eta esan dezakegu erabat
egonkortu direla jada. Aurten beraz laugarren aldiz antolatuko dira auzoko festak, eta lan horretan buru-belarri ari da dagoeneko Jai Batzordea.
Urtero legez uztaileko hirugarren asteburuan izango dira: 17, 18, 19, eta 20an, hain zuzen. Eta espero dugu iazkoa bezain egitarau txukun eta osatua ateratzea, bai Jai Batzordetik antolatuko diren ekimen anitzei dagokienez, baita komertzio eta tabernetatik bideratzen direnen partetik ere; betiere ahalik eta auzokide gehien eta adin guztietakoentzako gustagarriak izateko xedearekin.